ஆளுநர் ஆர்.என்.ரவியின் குடியுரசுத் தின வாழ்த்து செய்தியில் நீட் தேர்வு, இருமொழி கொள்கை ஆகியவை குறித்து குறிப்பிட்டிருந்தார். இதனை திமுகவின் அதிகாரப்பூர்வ நாளோடான முரசொலி கடுமையாக விமர்சித்துல்லது.
திமுகவின் அதிகாரப்பூர்வ நாளோடான முரசொலி கொக்கென்று நினைத்தாரோ: தமிழக ஆளுநர் ரவி என்ற தலைப்பில் இன்று கட்டுரையை வெளியிட்டுள்ளது.
நாகாலாந்தின் தேசியவாத ஜனநாயக கட்சியின் தலைவர் சிங்வாங் கோன்யாக் ( Chingwang Konyak ) “ஆளுநர் ரவியின் செயல் பாடு மகிழ்ச்சி தருவதாக இருந்ததில்லை. மக்களால் தேர்ந்தெடுக்கப்பட்ட அரசின் செயல்பாடுகளில் அவரது குறுக்கீடு அதிக மிருந்தது ” – என்று பகிரங்கமாகக் குற்றம் சாட்டியிருந்தார் .
நீட்’டுக்கு எதிராக தமிழகச் சட்ட மன்றம் ஒரு மனதாகத் தீர்மானம் நிறைவேற்றி அதனை ஆளுநரின் ஒப்புதலுக்கு அனுப்பி மாதங்கள் சில கடந்தும் , அது கிடப்பிலே கிடக்கிறது ; அதன் நிலை என்ன என்று தெரியாத நிலையில், ‘ நீட் ’ வருவதற்கு முன் , இருந்த நிலையை விட ‘ நீட் ’ வந்தபின் அரசுப் பள்ளி மாண வர்களின் மருத்துவப் படிப்பு சேர்க்கை அதிகரித்துள்ளது – என்று கூறியிருக்கிறார் ! ஒட்டுமொத்தத் தமிழகமுமே (ஒருசில சங்கிகளைத் தவிர) நீட்டை எதிர்த்து நிற்கும் நிலையில் , தமிழகத்தின் சட்டப் பேரவையே அதனை எதிர்த்து ஒருமித்துத் தீர்மானம் நிறைவேற்றியுள்ள வேளையில் ; அதுவும் அவரது பரிசீலனையில் இருக்கும் கால கட்டத்தில் , ஒரு ஆளுநர் இப்படி | அறிவிப்பது – எந்த வகை நியாயம் ?
ஏறத்தாழ 7 கோடி தமிழ் மக்களின் பிரதிநிதிகள் அடங்கிய தமிழகச் சட்ட மன்றம் ஒருமனதாக நிறைவேற்றி ஆளுநரின் ஒப்புதலுக்கு அனுப்பிய தீர்மானத்தின் மீது எந்தக் கருத்தும் தெரிவிக்காது – சட்டத்தின் சந்து பொந்துகளில் பதுங்கிக் கொண்டு இருப்பது எந்தவித நியாயம் என்பதை ஆளுநர் ரவி தெரிவிக்க வேண்டும் !
உரிய தகவலை மேலிடத்துக்குத் தந்து – ஒட்டு மொத்தத் தமிழகத்தின் உரிமைக் குரலுக்கு அங்கீகாரம் வாங்கித் தர முயற்சி செய்ய வேண்டும் ! அதனை விடுத்து இங்கே ‘ பெரியண்ணன் ‘ மனப்பான்மையோடு அரசியல் செய்ய நினைத்தால் , ” கொக்கென்று நினைத்தாயோ கொங்கணவா.
” எனும் பழங்கதை மொழியை அவ ருக்கு நினைவுபடுத்த விரும்புகிறோம்; அதாவது, இது நாகாலாந்து அல்ல; தமிழகம் என்பதை அவர் உணர்ந்திட வேண்டும் ” என்று குறிப்பிடப்பட்டுள்ளது.