பொங்கலுக்கு ‘வலிமை’ வெளியாவது உறுதி…..!

அஜித் நடிப்பில் ஹெச்.வினோத் இயக்கத்தில் போனி கபூர் தயாரிபில் உருவாகியுள்ள படம் ‘வலிமை’. இப்படம் வரும் பொங்கலுக்குத் திரையரங்குகளில் வெளியாகவுள்ளது.

தற்போது நாடு முழுவதும் கரோனா பரவல் மீண்டும் அதிகரித்து வருகிறது. தமிழகத்திலும் திரையரங்குகளில் 50% பார்வையாளர்களை மட்டும் அனுமதிக்க வேண்டும் என்று தமிழக அரசு கட்டுப்பாடு விதித்துள்ளது. இதனால் ‘வலிமை’ படம் குறிப்பிட்ட தேதியில் வெளியாகுமா என்று ரசிகர்கள் சமூக வலைதளங்களில் சந்தேகம் எழுப்பி வந்தனர்.

இந்நிலையில் தயாரிப்பாளர் போனி கபூர் தனது ட்விட்டர் பக்கத்தில் ‘வலிமை’ திரைப்படம் தமிழ், இந்தி, தெலுங்கு ஆகிய மொழிகளில் ஜனவரி 13-ம் தேதி அன்று திரையரங்குகளில் வெளியாகும் என்று மீண்டும் உறுதி செய்துள்ளார். இதன் மூலம் ‘வலிமை’ படம் பொங்கலுக்குத் திரையரங்குகளில் வெளியாவது உறுதியாகியுள்ளது.