தஞ்சை உள்ளிட்ட டெல்டா மாவட்டங்களில் கடந்த இரண்டு நாட்களாக இரவு நேரங்களில் கனமழை பெய்து வருகிறது இந்த திடீர் மழையினால் பல இடங்களில் இளம் பயிர்கள் தண்ணீரால் சூழப்பட்ட நெல் மூடைகளும் சேதமடைந்துள்ளன.தஞ்சை மாவட்டம் முன்னைப்பட்டியில் அமைந்துள்ள நுகர் பொருள் வாணிப கழக திறந்தவெளி சேமிப்பு கிடங்கில் இருந்த பல்லாயிரகணக்கான மூட்டைகளில் ஆயிரக்கணக்கான மூடைகள் மழையில் நனைந்துள்ளது.சிதறிக்கிடந்த நெல் மணிகள் இரண்டு நாட்களாக மழையில் நனைந்தே காணபடுகிறது.
திறந்தவெளி சேமிப்பு கிடங்கையும் மழை நீர் சூழ்ந்துள்ளது.இதை அடுத்து நெல் மூட்டைகளை மாற்றும் பணியை ஊழியர்கள் செய்து வருகின்றனர். அவ்வாறு அவசரமாக லாரிகளில் ஏற்றி அனுப்பப்படும் போது ஏராளமான மூட்டைகள் சிதைந்தும் நெல்மணிகள் வீணாகி உள்ளது.மூட்டைகள் சேதமடைவதால் விவசாயிகள் வேதனை அடைந்துள்ளனர்.மூட்டைகள் வேறு இடத்திற்கு மாற்றும்போது ஒரு சில மூட்டைகள் சேதமாவது இயல்பு.அதனையும் பணியாளர்கள் கொண்டு காயவைத்து மீண்டும் மூட்டைகளில் அனுப்பி அரவைக்கு அனுப்புவார்கள் என நுகர்வோர் வாணிப கழக மண்டல மேலாளர் உமா மகேஸ்வரி தெரிவித்துள்ளார்.
