68-வது தேசிய விருதுகள்: சிறந்த நடிகர் சூர்யா; ஆதிக்கம் செலுத்திய ‘சூரரைப்போற்று’

சிறந்த தமிழ்ப் படம்: சிறந்த தமிழ்ப் படத்துக்கான விருது ‘சிவரஞ்சனியும் சில பெண்களும்’ படத்துக்கு அறிவிக்கப்பட்டுள்ளது. இந்தப் படத்தை வசந்த் இயக்கியிருந்தார். சிறந்த மலையாளப் படமாக ‘திங்கலஞ்ச நிச்சயம்’ (Thinkalazhcha Nishchayam) படம் தேர்வு செய்யப்பட்டுள்ளது.

சிறந்த இசையமைப்பாளர் (பின்னணி இசை): தமிழில் ‘சூரரைப்போற்று’ படத்தின் சிறந்த பிண்ணனி இசைக்காக ஜி.வி.பிரகாஷ்குமாருக்கு தேசிய விருது அறிவிக்கப்பட்டுள்ளது.

பெஸ்ட் எடிட்டிங்: ‘சிவரஞ்சினியும் சில பெண்களும்’ படத்துக்காக எடிட்டர் ஸ்ரீகர்பிரசாத்துக்கு தேசிய விருது அறிவிப்பு.

சிறந்த திரைக்கதை: ஷாலினி உஷா நாயர் மற்றும் சுதாகொங்காரா இருவருக்கும் ‘சூரரைப்போற்று’ திரைப்படத்தின் சிறந்த திரைக்கதைக்கான விருது அறிவிக்கப்பட்டுள்ளது.

சிறந்த பியூச்சர் ஃபிலிம் : ‘சூரரைப்போற்று’ படத்துக்கு அறிவிக்கப்பட்டுள்ளது.

சிறந்த திரைக்கதை வசன எழுத்தாளர் best screenplay (diologue writer): ‘மண்டேலா’ படத்தின் சிறந்த திரைக்கதை வசன எழுத்தாளர் விருது மடோனே அஸ்வினுக்கு அறிவிக்கப்பட்டுள்ளது.

சிறந்த அறிமுக இயக்குநருக்கான இந்திரா காந்தி விருது: மண்டேலா படத்துக்காக அதன் இயக்குநர் மடோனாஸ் அஸ்வினுக்கு அறிவிக்கப்பட்டுள்ளது.

பெஸ்ட் ஸ்டண்ட் விருது: ‘அய்யப்பனும் கோஷியும்’ படத்துக்காக ராஜசேகர், மாஃபியா சசி மற்றும் சுப்ரீம் சுந்தர் ஆகியோருக்கு அறிவிக்கப்பட்டுள்ளது.

சிறந்த இசையமைப்பாளர் விருது: தெலுங்கில் வெளியான ‘ஆலா வைகுந்தபுரமுலோ’ படத்தின் இசையமைப்புக்காக இசையமைப்பாளர் தமன் சிறந்த இசையமைப்பாளராக அறிவிக்கப்பட்டுள்ளார்.

சிறந்த பெண் பின்னணி பாடகர்: ‘அய்யப்பனும் கோஷியும்’ படத்துக்காக நஞ்சம்மாவுக்கு அறிவிக்கப்பட்டுள்ளது. சிறந்த ஆண் பின்னணி பாடகர் விருது ராகுல் தேஷ் பாண்டே ‘மீ வசந்தராவ்’ மராத்தி படத்துக்கு அறிவிக்கப்பட்டது.

சிறந்த உறுதுணை நடிகர்: அய்யப்பனும் கோஷியும் படத்துக்காக பிஜூ மேனனுக்கு அறிவிக்கப்பட்டது.

சிறந்த இயக்குநர்: அய்யப்பனும் கோஷியும் படத்தை இயக்கிய கே.ஆர்.சச்சிதானந்தனுக்கு (மறைவு) சிறந்த இயக்குநருக்கான தேசிய விருது அறவிக்கப்பட்டுள்ளது.

பெஸ்ட் புக் ஆன் சினிமா : கிஸ்வர் தேசாய் எழுதிய ‘தி லாங்கஸ்ட் கிஸ்’ புத்தகத்துக்கு வழங்கப்பட்டது.

திரைப்படங்களுக்கு உகந்த மாநிலமாக (Most Film Friendly State) மத்தியப்பிரதேசம் அறிவிக்கப்பட்டுள்ளது.

தேசிய விருதுகளுக்காக மொத்தம் 305 படங்கள் 30 மொழிகளில் அனுப்பப்பட்டன. அதில் மேற்கண்டவை சிறந்தவையாக தேர்ந்தெடுக்கப்பட்டுள்ளன.